डॉ. आलोक जत्राटकर यांची मुलाखत घेताना सागर कांबळे.
निपाणीमध्ये सामाजिक व शैक्षणिक कार्यामध्ये सक्रिय असणारी ‘लाईटहाऊस फौंडेशन’ सागर कांबळे, पुंडलिक कांबळे आणि
त्यांचा मित्रपरिवार चालवितो. सक्षम युवा पिढी घडविण्यासाठी काम करण्याचा, अभिनव
प्रयोग राबविण्याचा वसा घेऊन ही मुलं राबताहेत. पुंडलिक तर त्याची मोठ्या कंपनीतील
नोकरी सोडून उतरलाय सामाजिक काम करण्यासाठी. त्याला सागरसह त्याच्या टीमची उत्तम
साथ लाभते आहे, हे महत्त्वाचं. मुलांसमोर काही आदर्श व्यक्तीमत्त्वं ठेवण्यासाठी ‘वेध व्यक्तित्वाचा’ हा मुलाखतींचा कार्यक्रम ही मुलं
ऑनलाईन चालवितात. गेले अनेक दिवस सागर त्यासाठी माझ्याकड पाठपुरावा करीत होता. पण,
वेळ जुळून येत नव्हती. अखेरीस काल ते जमलं. अगदी उत्स्फूर्त मुलाखत झाली. प्रश्न
माहिती नव्हते, उत्तरांची जुळवाजुळव नव्हती, पण समोर प्रश्न येत गेला, तसतसं
सुचतही गेलं आणि ही मुलाखत साकार झाली. जेवढा वेळ रेकॉर्डिंगला लागला, तोच
स्क्रीनटाईमही आहे, इतकी वन टेक झालेली ही मुलाखत लाईटहाऊस फौंडेशनच्या वाहिनीवर
आहे... सोबत लिंक शेअर करतो
आहे... जरुर ऐका...
कोणत्याही टिप्पण्‍या नाहीत:
टिप्पणी पोस्ट करा